А.Макаренко атындағы №41 мектеп-лицейінде  оқушылардың жолдағы қауіпсіздігін қамтамасыз ету мақсатында «Абайлаңыз, балалар!» атты профилактикалық іс-шара өткізілді.

 Полиция қызметкерлері бастауыш сынып оқушыларына жол қозғалысы ережелерін сақтау , жаяу жүргіншілер өткелінен дұрыс өту , жолдағы қауіпсіздікті қатаң қадағалау туралы кеңінен түсіндірді. Балаларға жол белгілерінің  маңызы түсіндіріліп, жүргізушілер мен жаяу жүргіншілердің өзара жауапкершілігі атап өтілді.

 Мектеп аумағында тәжірибелік сабақ ұйымдастырылып, оқушылар тәртіп сақшыларымен бірге жаяу жүргіншілер жолағынан өту ережесін практика жүзінде пысықтады. Бұл шара балалардың қауіпсіздік дағдыларын қалыптастырып, абай болуға тәрбиелеуге бағытталған.

 А.Макаренко атындағы №41 мектеп-лицейі ұжымы барлық ата-аналарды , жүргізушілерді  және қала тұрғындарын  балалардың амандығы үшін жолда мұқият болуға шақырады. Балалардың қауіпсіздігі – баршамыздың ортақ жауапкершілігі!  

А.Макаренко атындағы №41 мектеп-лицейінде

«Тілдер тоғысқан мереке» онкүндігі аясында

«Ұлттың ұлы құндылығы – тіл» тақырыбында 8–10 сынып оқушылары арасында үш тілде эссе жазу байқауы өтті.

 Жас қаламгерлер өз шығармаларында тілдің – ұлт рухының айнасы, халық қазынасы екенін терең оймен өрнектеді.

 Оқушылар ана тіліне деген құрметін, үштілділіктің маңызын және ұлттық бірегейлікті сақтаудағы тілдің орнын айрықша көрсетті.

 Үздік жұмыстар Шымкент қаласы білім басқармасының әдістемелік орталығына жолданатын болады.

2025 жылғы 1 қыркүйек күні Шымкент қаласы білім басқармасына қарасты А.Макаренко атындағы №41 мектеп-лицейінде «Білім күніне» арналған салтанатты жиын өтті.

Мерекелік іс-шараға қала әкімдігі мен мәслихат депутаттары, білім басқармасының өкілдері, мектеп басшылығы, педагогикалық ұжым, оқушылар мен ата-аналар қатысты.

2025–2026 оқу жылында мектебімізде 1800 оқушы білім алуда. Оның ішінде 122 оқушы алғаш рет мектеп табалдырығын аттап, 1-сыныпқа қабылданса, 109 түлек 11-сыныпта үлкен өмірге жолдама алуға дайындалуда.

Мемлекет басшысының тапсырмасы негізінде қала әкімдігінің қолдауымен мектептерді жаңғырту және жаңа білім ордаларын салу аясында біздің мектеп екі ауысымда жұмысын жалғастыруда.

Мектебімізде заманауи әдіс-тәсілдер мен жаңа жабдықтар кеңінен қолданылып, оқушылардың сыни ойлау қабілетін дамытуға, цифрлық сауаттылығын арттыруға, ғылыми пәндерге қызығушылығын күшейтуге, шығармашылық және креативті қабілеттерін жетілдіруге барлық жағдай жасалған. Білім беру тек теориямен шектелмей, практикалық сабақтар арқылы жүзеге асырылады. Мұғалімдер интерактивті технологияларды, зертханалық құралдарды пайдалана отырып, әрбір оқушының жеке қабілетін ашуға жол ашады. Барлық педагогтеріміз 100% жасанды интеллект бойынша сертификатталған.

2 қыркүйектен бастап тәрбиелік жұмыс «АДАЛ АЗАМАТ» бірыңғай бағдарламасы аясында жүргізіледі. Бұл бағдарлама – Мемлекет басшысы ұсынған «Адал Азамат – Адал еңбек – Адал табыс» тұжырымдамасын қамтиды. Сонымен қатар, мектебіміз «Өмірлік бағдар» және «Тәртіп тірегі» жобаларына белсенді қатысуда.

Жаңа оқу жылының алғашқы күні бірінші сабақ «Мектебім – мәңгілік мекенім» атты тәрбие сағатымен басталды. Биылдан бастап әр дүйсенбі күнгі алғашқы 10 минуты – жеке қауіпсіздік сабағына, ал әр сәрсенбі күнгі алғашқы 3 минуты – дене жаттығуларына арналады.

Оқушыларды мамандыққа ерте бейімдеу мақсатында бастауыш сыныптардан бастап түрлі маман иелерімен кездесулер, жобалық апталар ұйымдастырылып, 7-сыныптан «БЕЙІНДІК СЫНЫПТАР» жүйесі енгізілуде. Бұл оқушылардың болашақ кәсібін саналы түрде таңдауға мүмкіндік береді.

2025 жылы мектебіміз мемлекеттік аттестаттаудан өтетіндіктен, білім сапасын арттыру мақсатында «ТАЛАП» жобасы аясында тәжірибе алмасып келеміз. Бастауыш сынып оқушылары 2022 жылдан бері толықтай ыстық тамақпен қамтылған.

Сонымен бірге, «Мектепке жол» республикалық қайырымдылық акциясы аясында мектебімізде 340 балаға көмек көрсетілді. Оның ішінде:

 • Мемлекеттік қолдау арқылы – 270 балаға,

 • «Amanat» партиясы тарапынан – 50 балаға,

 • Қазақстан халқы Ассамблеясы – 10 балаға,

 • демеушілер тарапынан – 10 балаға қолдау жасалды.

А.Макаренко атындағы №41 мектеп-лицейі – мейірім мен білімнің, ізгілік пен парасаттың тоғысқан алтын ұясы!

 «Таза Қазақстан» республикалық экологиялық акциясы аясында 2025 жылдың 23 тамыз күні жалпықалалық сенбілік ұйымдастырылды.

Бұл сенбіліктің басты мақсаты – қаламыздың аумағын қоқыстан тазарту арқылы тұрғындардың экологиялық мәдениетін арттыру және табиғатты қорғауға деген ортақ жауапкершілікті нығайту.... 

Жаңа оқу жылы қарсаңында Шымкент қаласында қуанышты сәттерге толы игі іс-шара өтті. «AMANAT» партиясы Шымкент қалалық филиалы жанындағы Әйелдер қанаты комиссиясы мен «Shymkent City Mall» сауда орталығының әкімшілігі бірлесіп, «Баланы мектепке дайындайық» акциясын ұйымдастырды. Іс-шара аясында әлеуметтік аз қамтылған отбасылардан шыққан 50 балаға мектепке қажетті құрал-жабдықтар табысталды.

Балғындарға қуаныш сыйлаған іс-шараға «AMANAT» партиясы Шымкент қалалық филиалының төрағасы Мұрат Жолдыхожаев, Әйелдер қанаты комиссиясының төрайымы Наргиза Керімбаева және комиссия мүшелері қатысты.

Мұрат Жолдыхожаев балаларды жаңа оқу жылымен құттықтап, жылы лебізін білдірді:

«AMANAT» партиясы «Баланы мектепке дайындайық» акциясын жыл сайын дәстүрлі түрде өткізіп келеді. Бүгінгі игі шара – балаларға демеу беру, олардың еркін сезініп, көтеріңкі көңіл-күймен жаңа оқу жылын бастауына жағдай жасау мақсатында ұйымдастырылды. Барлықтарыңызға сәттілік тілеймін!» – деді ол.

Өз кезегінде Әйелдер қанаты комиссиясының төрайымы Наргиза Керімбаева да жүрекжарды тілегін жеткізді:

«Балалардың қуанышы – біздің қуанышымыз. Олардың білімге деген құлшынысын қолдау – қоғам алдындағы үлкен міндет. Осындай шаралар арқылы әр баланың арманына қанат бітуіне үлес қосамыз деп сенемін», – деді ол.

Акция аясында бүлдіршіндерге мерекелік көңіл-күй сыйлау да назардан тыс қалмады. Балалар Play Park-қа тегін кіріп, түрлі ойындар ойнады. Сондай-ақ, кинотеатрда арнайы анимациялық фильмдер көрсетіліп, тәтті тағамдар мен сусындар тарту етілді.

Бұл шара балалардың ғана емес, ата-аналардың да жүрегіне қуаныш сыйлап, жаңа оқу жылына ерекше шабытпен қадам басуына себеп болды.

 А.Макаренко атындағы №41 мектеп-лицейінің директоры Сарымсакова Айна Аблаевна атынан «AMANAT» партиясына, Шымкент қалалық филиалы жанындағы Әйелдер қанаты комиссиясына және «Shymkent City Mall» әкімшілігіне шынайы алғысымызды білдіреміз.

Балаларымызға қуаныш сыйлап, жаңа оқу жылын көтеріңкі көңіл-күймен бастауына қолдау көрсеткендеріңіз үшін зор ризашылығымызды айтамыз. Ізгі істеріңіз әрдайым жалғасын тауып, еңбектеріңіз жемісті болсын!

 Біз Әділетті, Таза әрі Қуатты Қазақстанды құрып жатырмыз. 

 Саяси жүйе толық жаңғырды. Ұлттық экономиканың жаңа бағдары айқындалды.

 Мемлекеттік қызметте меритократияқағидаты басты орынға шықты. Билікте де «отбасылық жүйе» жоқ.

Қазір елімізде рухы азат, ойы еркін ұрпақ өсіп келеді.

 Заңды сыйлау, тәртіпке бағыну қоғамның мызғымас қағидасына айнала бастады.

 Нағыз «Адал азамат» мектеп қабырғасында қалыптасады.

Білім саласындағы жетістіктер

2019 жылдан бері білім саласының бюджеті үш есе артты. 

1200 мектеп ашылды. «Келешек мектептері» ұлттық жобасы жүзеге асырылып жатыр ( 217 мектеп)

«Педагог мәртебесі туралы» арнайы заң қабылданды.

 «Қазақстанның еңбек сіңірген ұстазы» атағы белгіленді.

Мұғалімдердің жалақысы 2 есе өсті. Қазіргі таңда 500 мыңнан астам ұстазға үстеме ақы төленеді. 

Мұғалімдер өз міндетіне кірмейтін артық жұмыстан босатылды.

Мұғалімдердің жаңа толқынын даярлау және оқушылардың жетістіктері

Білім беру саласына 13 мыңнан астам грант бөлінді. 

Педагог мамандығы бойынша оқып жатқан студенттердің шәкіртақымв 84 мың теңгеге ұлғайды.

Жастардың мұғалім болуға ынтасы артып келеді. –Биыл 2 мыңнан астам үздік түлек ұстаз мамандығын таңдап отыр. 

Оқушыларымыз әлемдегі ең беделді жеті олимпиададан 27 медаль алды. 

Халықаралық олимпиадалардан 1 мыңға жуық медаль иеленді. 

Болашаққа бағдар

 Білім сапасын арттыру

 Ұстаздар ұдайы ізденіп, білімін жетілдіріп отыруы керек. 

 Балалардың оқуға зейінін ашатын әдіс-тәсілдерді жетік меңгерген абзал.

 Озық тәжірибені үйреніп, оны еліміздің болмысына бейімдеу керек.

 Тағы бір маңызды міндет – қала және ауыл мектебіндегі білім беру деңгейін теңестіру.

Тәрбиемен ұштасқан білім 

 Биылдан бастап барлық мектепте «Адал азамат» біртұтас тәрбие бағдарламасыіске қосылады. 

 «Отбасы – мектеп – мемлекет» үштігі үйлесімді болса, жақсы нәтижеге жетуге болады. «Таза Қазақстан» жалпыұлттық акциясы – осы бағыттағы нақты шараның бірі. 

 Мектеп өзара құрмет пен жанашырлыққа толы үйлесімді қоғамның үлгісі болуы керек. 

 «Заң мен тәртіп» қағидаты тәрбие жұмысының ажырамас бөлшегіне айналуға тиіс. 

 Нашақорлық пен лудомания, тұрмыстық зорлық-зомбылық, буллинг және бұзақылық сынды зиянды әдеттермен күресуде мұғалімдер айрықша рөл атқарады. 

 Соңғы екі жылда кәмелет жасына толмағандарға қатысты жасалған кез келген зорлық-зомбылық үшін берілетін жаза қатайды

 Барлық мектепте «111» психологиялық қолдау қызметінің QR-коды орнатылды. 

 Жаңа оқу жылынан бастап мектептер мен колледждерде әлімжеттікке, буллингке қарсы «ДосболLIKE» атты бағдарлама іске қосылады. 

 Цифрлық технологиялар мен жасанды интеллектіні енгізу 

 Қазақстан жаңа технологиялық дәуірге қадам басты. Инновация мен жасанды интеллект – прогресстің басты кілті. 

 Бүгінде еліміздегі мектептердің 95 пайыздан астамы жылдам интернетпен қамтылған. Мақсат –100 % жеткізу.

 Цифрландыру – әлеуметтік әділдіктіңмаңызды идеологиялық қағидаты.

 Балаларға жастайынан жасанды интеллект технологиясын оқытқан жөн. 

 Мұғалімдер де педагогикалық тәжірибеде жаңа технологияларды қолдана білуі керек. 

Ұстаздар құқығын қорғау

 Ұстаздардың өз міндетінен тыс жұмыстардан босату қажет.

 Прокуратура органдары мұндай заң бұзушылықтарға тосқауыл қоюы керек.

 Мектептен тыс жерде, ата-аналардың жауапсыздығынан оқыс оқиғаға мұғалімдерді жазалау орынсыз. 

 Президент «Педагог мәртебесі туралы» заңға ұстаз құқығын қорғау жөнінде өзгерістер енгізуді ұсынды.

Президент конференцияның ашылуында мұғалімдердің қоғамдағы рөліне ерекше тоқталып, «Ұстаз – ұлттың шамшырағы, мұғалім – мемлекеттік маңызы бар жұмысты атқарып жүрген тұлға» деп атап өтті.Қазақстанда жыл сайын тамыз айында өткізілетін дәстүрлі педагогикалық кеңес. Бұл жиынға барлық деңгейдегі ұстаздар, білім саласының қызметкерлері, ғалымдар мен министрлік өкілдері қатысады.

•Жаңа оқу жылына дайындықты талқылау.Білім беру жүйесіндегі жаңалықтар мен реформаларды түсіндіру.

Мұғалімдердің кәсіби дамуына бағыт беру.

Жыл бойы қол жеткізген жетістіктер мен кездескен мәселелерді саралау.

2025 жылғы конференцияда Қазақстан Республикасы Оқу-ағарту министрлігі мынадай негізгі бағыттарды белгілеп берді:

Министрлік ұсынған бағыттар.Құндылыққа негізделген білім оқушыларды адалдыққа, жауапкершілікке, еңбексүйгіштікке тәрбиелеу.Әр пән тек білім беріп қана қоймай, азаматтық қасиеттерді қалыптастыруға ықпал ету.Мұғалім мәртебесі Педагогтардың қоғамдағы беделі мен әлеуметтік жағдайын арттыруға бағытталған арнайы қарар қабылданатыны хабарланды.Мұғалімдердің жалақысы мен кәсіби қолдау жүйесі мемлекет назарында болатыны ерекше айтылды.

«Мұғалімнің құқығын қорғау мәселесі әрдайым басты назарда болуға тиіс. Мен сөз басында ұстаздардың өз міндетінен тыс жұмыстардан босатылғанын айттым. Бірақ, кейде жергілікті билік өкілдері заң талаптарын өрескел бұзып жатады. Прокуратура органдары мұндай заң бұзушылықтарға тосқауыл қоюы керек.Сондай-ақ балаларға қатысты кез келген жазатайым жағдай үшін де мұғалімді жазалау орынсыз деп санаймын. Мектептен тыс жерде, ата-аналардың жауапсыздығынан оқыс оқиға болса, оған ұстаз жауапты емес. Алматы облысында түлектер арасында болған қайғылы жағдай үшін директор мен мұғалімдер жауапқа тартылып, жұмыстан шығарылды.Түптеп келгенде, балалардың амандығы, олардың денсаулығы және сапалы білім алуы – еліміздің келешегіне тікелей қатысы бар мәселе»

Білім – баланың өмірлік жолындағы ең қымбат қазынасы. Осы мақсатта А.Макаренко атындағы №41 мектеп-лицейінде жазғы мектеп аясында болашақ 1-сынып оқушыларына арналған даярлық жұмыстары жүргізілуде.

Балалар әріптермен, сандармен танысып қана қоймай, ойлау қабілетін, логикасын, шығармашылығын дамытатын түрлі ойындар мен тапсырмалар орындайды. Сонымен қатар ұжымда жұмыс істеу, тыңдау, сұрақ қою, жауап беру дағдылары қалыптасуда.

Мұндай дайындық кезеңі – мектеп табалдырығын алғаш аттайтын кішкентай бүлдіршіндер үшін өзіне деген сенімділікті арттырып, жаңа ортаға тез бейімделуге көмектеседі.

Біздің басты мақсатымыз – әр баланың бойындағы мүмкіндікті ашу және білімге деген қызығушылығын ояту.

 Жаңа оқу жылы – жаңа белестердің бастауы!

“А.Макаренко атындағы №41 мектеп-лицейі” ұжымы “Күнделік” компаниясының арнайы Алғыс хатына ие болды!

 Электрондық журналды сапалы, уақтылы жүргізу және құжаттаманы жоғары деңгейде ұйымдастыру бағытында жүргізілген сараптама нәтижесі бойынша мектебіміз І орынға ие болды!