БАЛАЛАРДЫ ТЕРЕЗЕДЕН АБАЙЛАҢЫЗДАР!

БАЛАЛАРДЫ ТЕРЕЗЕДЕН АБАЙЛАҢЫЗДАР!

Құрметті ата-аналар!

Балалардың қауіпсіздігі – әрқайсымыз үшін ең маңызды міндет. Әсіресе жазғы демалыс кезінде балалардың үйде жалғыз қалуы немесе терезе маңында ойнауы үлкен қауіпке әкелуі мүмкін.

 Терезе – бала үшін ойын алаңы емес!

Кішкентай балалар айналасындағы дүниеге қызығушылықпен қарап, терезеге жақындап, орындыққа немесе басқа жиһазға шығып кетуі мүмкін. Бір сәттік қараусыздықтың өзі орны толмас өкінішке әкелуі ықтимал.

Сондықтан ата-аналарға мына қарапайым, бірақ өте маңызды ережелерді сақтауды сұраймыз:

 Баланы ашық терезенің жанында жалғыз қалдырмаңыз;

 Терезе алдына орындық, үстел, диван және бала шығып алуы мүмкін басқа жиһаздарды қоймаңыз;

 Терезені бала өздігінен аша алмайтындай қауіпсіздік құралдарымен жабдықтаңыз;

 Масаның торына сеніп қалмаңыз – ол баланың салмағын көтеруге арналмаған;

 Балаларға терезеге жақындаудың және терезе алдына шығудың қауіпті екенін үнемі түсіндіріңіз;

 Үлкен балаларға да кішкентай балалардың қауіпсіздігіне жауапкершілікпен қарауды үйретіңіз.

 «Бір минутқа ғана» деген қарапайым ойдың өзі үлкен қауіпке айналуы мүмкін.

Бала үшін қауіпсіз орта қалыптастыру – тек арнайы қызметтердің емес, ең алдымен ата-ананың жауапкершілігі.

 Баланың өмірі мен денсаулығы – бәрінен қымбат!

Балаларымызды бірге қорғайық! Терезеден сақ болайық!