«Жасөспірімдер арасындағы құқық бұзушылықтың алдын алу – ортақ міндет»

«Жасөспірімдер арасындағы құқық бұзушылықтың алдын алу – ортақ міндет»

А. Макаренко атындағы №41 мектеп-лицейінде жасөспірімдер арасындағы құқық бұзушылықтың алдын алу, құқықтық мәдениетті қалыптастыру және оқушылардың қауіпсіздігін қамтамасыз ету мақсатында кездесу-жиналыс өткізілді.

Іс-шараға Шымкент қаласы ПД Әл-Фараби АПБ Анықтау бөлімінің бастығының орынбасары, полиция подполковнигі Ж.А. Сұлтанов және ҚҚБ ЮПТ УПИ, полиция капитаны А.Т. Раимбекова қатысып, оқушыларға құқық бұзушылықтың алдын алу, заң талаптарын сақтау және жасөспірімдердің жауапкершілігі туралы кеңінен түсіндіру жұмыстарын жүргізді.

Кездесу барысында мамандар оқушыларға құқықтық сауаттылықтың маңыздылығы, зиянды әрекеттерден аулақ болу, қоғамдық тәртіпті сақтау және қауіпсіз орта қалыптастыру мәселелері жөнінде маңызды ақпараттар берді.

Құқық бұзушылықтың алдын алу – баршамызға ортақ міндет!