«Адал азамат» біртұтас тәрбие бағдарламасы аясында 5–6 сынып оқушыларына арналған тәрбие сағаттары ұйымдастырылды.

Буллинг және кибербуллинг: қауіпсіз орта – ортақ міндет» тақырыбында 5–6 сынып оқушылары арасында тәрбие сағаттары өткізілді.

    А. Макаренко атындағы №41 мектеп-лицейінде «Адал азамат» біртұтас тәрбие бағдарламасы аясында 5–6 сынып оқушыларына арналған тәрбие сағаттары ұйымдастырылды.

    Тәрбие сағаттарының негізгі мақсаты – оқушыларға буллинг және кибербуллинг ұғымдарының мәнін түсіндіру, оның түрлері мен адамға тигізетін кері әсерлері туралы жан-жақты ақпарат беру, зорлық-зомбылықтың кез келген түріне жол бермеуге тәрбиелеу және оқушылар арасында өзара сыйластық пен достық қарым-қатынасты қалыптастыру.

    Тәрбие сағаттары барысында оқушыларға буллингтің физикалық, психологиялық, ауызша және әлеуметтік түрлері туралы түсінік беріліп, оның адам көңіл-күйіне, өзіне деген сеніміне және психологиялық жағдайына кері әсер ететіні түсіндірілді. Сонымен қатар, қазіргі таңда интернет пен әлеуметтік желілердің кеңінен қолданылуына байланысты орын алуы мүмкін кибербуллингтің ерекшеліктері де талқыланды.

    Оқушылар киберкеңістіктегі қауіпсіздік ережелері, әлеуметтік желілерді дұрыс әрі жауапкершілікпен пайдалану, жеке мәліметтерді қорғау, бейтаныс адамдармен қарым-қатынаста сақ болу, жағымсыз пікірлер мен қорқыту сипатындағы хабарламаларға тап болған жағдайда дұрыс әрекет ету жолдары туралы өз ойларын ортаға салды.

    Сондай-ақ оқушыларға буллингке куә болған жағдайда немқұрайлы қарамай, жағдайды ушықтырмай, сенімді ересек адамға, сынып жетекшісіне, мектеп психологіне немесе ата-анасына хабарлау қажеттігі түсіндірілді. Қиындыққа тап болған сыныптасына қолдау көрсету, оны жалғыз қалдырмау және мәселені бірге шешуге көмектесу – әр оқушының азаматтық жауапкершілігі екені айтылды.

      Тәрбие сағаттары барысында оқушылар өзара сыйластық, мейірімділік, жауапкершілік, достық және адамгершілік құндылықтарының маңыздылығын түсінді. Әр адамның жеке басына, пікіріне, сыртқы келбетіне, қызығушылығына құрметпен қарау және өзгелерді кемсітуге, мазақ етуге немесе қорқытуға жол бермеу қажеттігі атап өтілді.

     Қауіпсіз мектеп ортасы – тек мұғалімдер мен ата-аналардың ғана емес, әр оқушының ортақ жауапкершілігі. Мектепте әр бала өзін қауіпсіз, еркін және жайлы сезінуі үшін барлығымыз бірлесе әрекет етуіміз қажет.

 Буллингке жол жоқ!

 Бір-бірімізді құрметтейік!

 Қолдау көрсетейік!

 Мейірімділік пен достықты бірге қалыптастырайық!

   Интернет кеңістігінде де жауапкершілікті ұмытпайық!

Қауіпсіз орта – ортақ міндет!