Тіл – ұлттың жаны, халықтың қазынасы!

Тіл – ұлттың жаны, халықтың қазынасы!

Тілдер мерекесіне орай А. Макаренко атындағы №41 мектеп-лицейінде оқушылардың тілге деген құрметін арттыру, көптілділікті насихаттау және әр ұлттың мәдениеті мен салт-дәстүрін дәріптеу мақсатында тағылымды іс-шара ұйымдастырылды.

Шара барысында оқушылар ана тіліміздің қадір-қасиетін дәріптеп, түрлі тілдерде өлеңдер оқып, ән шырқап, ұлттық мәдениеттердің ерекшеліктерін таныстырды. Әсем әуен мен мазмұнды қойылымдар мерекелік кештің сәнін келтірді.

«Тілі бірдің – тілегі бір» демекші, әр тілді құрметтеу – әр халықты құрметтеу. Ана тілімізді ардақтап, өзге тілдерді үйрену арқылы білімді, мәдениетті, бәсекеге қабілетті ұрпақ қалыптастырамыз.

 Тіліміз тұғырлы, бірлігіміз ғұмырлы болсын!