Суды үнемде – табиғатты аялай біл!»

Суды үнемде – табиғатты аялай біл!»

  А. Макаренко атындағы №41 мектеп-лицейінде бастауыш сынып оқушылары арасында «Суды үнемде!» тақырыбында тәрбие сағаттары өткізілді.

  Су – табиғаттың баға жетпес байлығы, тіршіліктің негізгі көзі. Адам өмірі мен қоршаған ортаның тұрақтылығы судың тазалығы мен оны ұқыпты пайдалана білуге тікелей байланысты. Осыған орай өткізілген тәрбие сағаттарында оқушыларға судың адам өміріндегі маңызы кеңінен түсіндірілді.

  Іс-шара барысында оқушылар «Суды не үшін үнемдеу керек?», «Суды қалай тиімді пайдалануға болады?», «Таза су – денсаулық кепілі» деген сұрақтар төңірегінде ой бөлісіп, өз пікірлерін білдірді. Сонымен қатар күнделікті тұрмыста суды босқа ағызбау, кранды қажетсіз ашық қалдырмау, табиғи су көздерін ластамау сияқты қарапайым, бірақ маңызды әдеттер туралы әңгіме жүргізілді.

  Оқушылар табиғатты қорғау үлкен істерден ғана емес, күнделікті қарапайым әрекеттерден басталатынын түсінді. Әр тамшы судың қадірін білу, оны ысырап етпеу – қоршаған ортаға деген жауапкершіліктің белгісі екені атап өтілді.

   Тәрбие сағаты барысында балалар белсенділік танытып, суға қатысты мақал-мәтелдер айтып, сұрақтарға жауап беріп, суды үнемдеудің өздері білетін жолдарымен бөлісті. Оқушыларға табиғи ресурстарды қорғау – әр адамның ортақ міндеті екені түсіндірілді.

   Бүгінгі балаға берілген экологиялық тәрбие – ертеңгі табиғатқа деген жанашырлықтың негізі.

    Суды қадірлейік!

    Табиғатты қорғайық!

    Әр тамшыны үнемдейік!

    Таза табиғат – жарқын болашақ!