1 Мамыр – Қазақстан халқының бірлігі күніне орай Шымкент қаласы білім басқармасына қарасты А.Макаренко атындағы № 41 мектеп-лицейінде ерекше шара ұйымдастырылды.

БІРЛІК КҮНІНЕ ОРАЙ ШЫҒАРМАШЫЛЫҚ ШАРА.

1 Мамыр – Қазақстан халқының бірлігі күніне орай Шымкент қаласы білім басқармасына қарасты А.Макаренко атындағы № 41 мектеп-лицейінде ерекше шара ұйымдастырылды. Бұл күні 1-4 сынып оқушылары мектеп ауласында жерге түрлі-түсті борлармен сурет салып, бейбітшілік пен татулықтың маңызын өз шығармашылықтарымен жеткізді .

Балалардың суреттерінен еліміздегі ұлттар достығы, көгершін мен күн бейнесі, тудың суреті мен «Бейбіт ел – Қазақстан» деген жазулар орын алды . Әрбір сынып өз ойларын ашық, еркін түрде білдіріп, өзара бірлік пен мейірімділікті сурет тілімен көрсете білді.

 Шара барысында оқушылар ерекше белсенділік танытып, бір-бірінің еңбегіне құрметпен қарады. Мұғалімдер мен ата-аналар да балалардың туындыларына тамсана қарап, ыстық ықыластарын білдірді .

Бұл шара оқушылардың бойында патриоттық сезім мен достыққа деген сүйіспеншілікті оятты. Ел бірлігін ұлықтау – әр ұрпақтың парызы. Осындай тәрбиелік мәні зор іс-шаралар жас жеткіншектерді рухани бай, адамгершілігі мол азамат етіп тәрбиелеуде үлкен рөл атқаратыны сөзсіз.

Бірлігіміз бекем болсын!

Достығымыз мәңгі жасасын!

— 41 мектеп-лицей ұжымы